Рик/ин гьиссер сад-садавди агудиз,
Фикирар за ийизава бегьемар.
Гагь к/ан жеда рик/ни хурай акъудиз,
Зун чахмах я,абур я зи
ц/елхемар.
Бязибуру хабар кьазва акурла,
Гьик/ ат/узва на гафариз нехишар?
Зи жаваб я:"Чахмахда ц/ай акьурла,
Акъатзавай абур я зи алхишар."
Масадбуру зун хъуьруьнриз вегьезва,
Паркутдалди чинар кузва тамамдиз,
Зун чин ч/урна ахьтинбурухъ элкъвезва,
Къуй, такурай алчахриз зун авамдиз.
Вучта бес за, чуьнуьхдани гьиссер зин,
Аялар хьиз муьхтеж тир зи туьмердихъ?
Шаирвилин пай авачир жинсер зин,
Шадвилелди гелкъуьрай зи бегьердихъ.
Шаир лугьуз ийизвай туш дамах за,
Чахъ гьунарлу шаирар лап ац/анва,
Гужлу ийиз шииратдин булах за,
Гьевесдивди жуван пайни кутазва.
Жуван пайни кутазва
© Copyright: Фатимат Османова, 2021
Свидетельство о публикации №121061603514
Свидетельство о публикации №121061603514
Рецензии