Лоам баккха г1ирта мустафа ганижев

   ЛОАМ БАККХА Г1ИРТА        Мустафа Ганижев

Ха йода ч1ергаш гонахь ехкаш,
Дом боал михо д1акхохьаш чехка.
Т1онаькъа татан, вордаш хехкаш,
Лергашка зов отта, говр къаьхка.
1а1ай, моажолги ц1аг1 чувига,
К1езига да цун цигар вахар –
Дера бехказло дега къаьга,
Са чудоаца ц1а, сага даьдар.
Из г1ишло яр г1ала букъ теха,
Хьалхишка хьу хул акхаяьнна.
Чана товш, бир цун мах, са даьха,
Шера му1аш сай керта т1аяьнна.
Цу му1ашка са хул чудаха,
Саго цох беш, беза мах хаьдда.
Цига новкъа вар юстар ваьха,
Хачибарч хилар урсо тийда.
Ц1ен на1ар т1а хьалэхкар му1аш,
Шайт1а чуг1оргдоац, аьлар в1алла.
Кораш даг1ар сурташ хьагойташ,
Кераста дина, сурт дар дилла.
Дади керта йоккха кий т1атул,
Къамаьл хьаде мара, цун эшац.
Хьагулалу нах цига, б1арчча 1ул,
Корашта к1ал зизаш кхахьа магац.
Цига ц1ай долга наха гойтар,
Керда кочамаш т1аювхаш хул.
Б1арчча вахара са чудайтар,
Шайт1ан зурма лекхар, юкъе воал.
Цига лаьрх1ар лоам чангар баккха,
Ча яр, лакхера наха хьежаш.
Нах г1ерта цунгар ираз даккха,
Мержаш хьалувзаш, ц1аг1арч детташ.
Чано илли локх: «Ва 1аьса нах,
1аьса нах, шун йо1-йишас к1аьнк ваьв,
Ага-були дилла йоах – ца1-ах,
Шин йо1-йиши, ираза во1 ваьв..»
Лоам баккха г1иртарашта доаг1а,
Кхел хинна, ц1ай дазаде дезаш.
Ха яхар, кхерах бог1аш б1оаг1а,
Лоам баккха г1ертар, шайт1ан мегаш.
                04. 06. 2021 ш.