Сахлъи Аллагьас кьеяй,
Талих1 кьун мун йохаяй.
Рохалил гьими даим,
Гьурмадаса унгеяй.
Наслабазе талих1 кьун,
Гьездаса разилъаяй.
Чорхое сахлъиги кьун,
Чияде мун ккогеяй.
Тухум кьибил хилиплъун,
Хияналъи лъагеяй.
Чияр бер к1алалдаса,
Аллагьас мун ц1унаяй.
ЖИНДИЙГО т1аг1аталда,
АЛЛАГЬАС мун хьихьаяй.
Гьари- рахьи балелъул,
РАХ1МАНАСДА раг1аяй.
АЛЛАГЬАС сабаб т1амун,
Унтаби лугбулъа ун.
Г1алхуда чанил г1адин,
Лага черх г1едерлъаяй...
Рак1алда бугеб мурад
Т1убан мун разилъаги
Макка Мадинаяле
Нух бит1ун т1ад юссаги.
Т1олго гьудул гьалмагълъи
Г1агарал дур божарал
Дур дуг1аги къабуллъун
Мурадазда рахаги
Дур берцинаб гьумерги
Бац1адаб гьинал рак1ги
АЛЛАГЬ дуда разилъун
Даимаб рохел щвайги!
Гьудулалъе дуг1а
© Copyright: Сафи Сулим, 2021
Свидетельство о публикации №121060803032
Свидетельство о публикации №121060803032
Рецензии