* * * *
(Гъалибвилин йикъаз
бахшзава)
Сирен тарар, паруд патав
Алай чеб даим,
Цуькведава,- аби ранг гвай.
Майдиз тир лазим.
Хелер, кул-кул тир цуькверин,
Куьрс хьанва парцихъ.
Талукь атир, абуру гузвай,
Ч1к1изва гьарнихъ.
Гъалибвилин югъ я пака.
Сиренар - фараш.
Вучиз ят1ан, кул-кул цуьквер
Хъийизмач «тараш»…
Эгеч1замач сиренар ат1уз,
Эвелан хьиз, эл…
Рик1ел хквез, агьвал кьат1уз,
Вилел къвезва шел.
Ч1ехи жез йисар, алатзава
Гъалибвилин сувар.
Т1имил жез кьадар, амукьзвач
Ватан хвейи ксар…
Сирен тарар, паруд патав,
Алай чеб даим,
Цуькведама, савкьат тахьай,
Тушир хьиз лазим…
2020. 8. 05.
***
© Copyright: Фикрет Хидиров, 2021
Свидетельство о публикации №121050908599
Свидетельство о публикации №121050908599
Рецензии