Истоки... Бессмертный полк

«БЕЗСМЕРТНЫЙ ПОЛКЪ»
«Небесныя вђнца нетлђннаго прiимше…»

В извлечении:
Е. Овчинников. «Начало Песен Вещих» /
«Избитье Батыево»
–––––––––


Придоша –

        безбожнiи Измалтянђ, преже бивъшеся со князи Рускими
        на Калкохъ, и поведаху князю Юрьеви Агарянъ приходъ.

Нашествіе то слышавъ,

        князь Юрьи посла сына своего Всеволода со всими людми,
        и с нимъ кюръ Михаиловичь, – Батыеви же устремлешюся
        на землю Суждальскую, и срђте и Всеволодъ на Колоднђ,
        и бившимся имъ, и падъшимъ многимъ от нихъ от обоихъ!

                *    *    *

1.

Побђжену же бывшу Всеволоду,
исповђда отцю – бывшую брань.

Юрьи же,

        князь, оставивъ сынъ свои во Володимерђ и княгиню,
        изiиде изъ града, и совокупляющу ему около себе вои,
        и не имђющу сторожiи, изъђханъ бысть князь Юрьи
        безаконьнымъ Бурондаема, городъ изогна – и самого

        Юрья убиша, – Батыеви же стоящу у града, борющуся
        крђпко о градъ, молвящимъ имъ – льстью гражаномъ:
        «Гдђ суть – князи Рязяньстiи, вашь градъ и князь вашь
        великiи Юрьи, не рука ли наша емши и смерти преда?!»

И услышавъ о семь,

        прпдобныи Митрофанъ, епскупъ, начатъ – глаголати
        со слезами ко всимъ: «Чада, не убоимся о прельщьньи
        от нечстивыхъ, и ни прiимемь си во умъ тленьнаго сего
        и скоро минующаго житья, но – ономь не минующђмь

        житьи попечемься, еже со ангелыи житье, аще и градъ
        нашь пленьше копiемь возмуть и смерти ны предасть! –
        азъ о томь – поручьникъ есмь, яко: вђнца – нетлђньнаа
        от Хрста Бога прiимете!» – о сем же словеси слышавше,

        вси начаша – крђпко боротися!
                ________

Тотаромъ же –

        порокы бо градъ бьющемь, стрелами бещисла –
        стрђляющимъ, и градъ всь Володимђрь избье!

Епскупу же,

        прпдобному – во церквь убђгшу со княгинею и с дђтми, –
        и повђлђ нечстивыи огньмь зажещи, ти тако душа своя –
        предаша в руцђ Богу! – градъ ему избившу Володимђрь,
        поплђни грады Суждальскiе, и приде ко граду Козельску.

2.

Будущу в немь князю –

        младу, именемь Василью, увђдавыни же нечстивiи, яко:
        умъ крђпкодушьныи имђють людье во граде, словесы
        лестьными не возможно бђ градъ прiяти! – Козлянђ жђ
        свђтъ створше: не вдатися Батыю! – рекше, яко: «Аще
        князь нашь младъ есть, но положимъ животъ свои за нь,
        и сде славу сего свђта прiимше, и тамъ нбесныя вђнца –

        от Хрста Бога прiимемь!»
                ________

Тотаром же бьющимся –

        о градъ, прiяти хотящимъ градъ, разбившимъ граду стђну
        и возiидоша на валъ Татаре, Козляне же – ножи рђзахуся
        с ними, свђтъ же створиша: изiити на полкы Тотарьскые! –
        и исшедше изъ града – исђкоша, нападше на полъкы ихъ!

И убиша от Татаръ –

        4 тысящи, и самђ же избьени быша, Батыи же взя городъ,
        изби вси, и не пощадђ – от отрочатъ до сосущихъ млеко, –
        о князи Васильи – невђдомо есть, и инiи глаголаху, яко:
        «Во крови утонулъ есть!» – понеже убо младъ бяше есть.

Оттуду же:

        во Татарђхъ не смђють его нарещи градъ – Козлескъ, но
        градъ – «злыи», понеже бишася по семь недђль, убиша бо
        ту от Татаръ – сыны темничи три, – Татари же, искавше,
        и не могоша ихъ изнаити во множествђ трупъ мертвыхъ.

                *    *    *

Батыеви же,

        вземшю Козлескъ, поиде в землю Половецькую,
        и оттуда же поча посылати – на грады Русьскые…

< … >

____

Памяти предков, передавших нам любовь и уважение
к Святому Отечеству, веру в добро и справедливость…