Саб ражну мани йигъан,
Шул ляхин аьламатнан.
Гъюрайи рангнан кьалмар,
Заргну кIакI хьайи кIулар.
Ипну шад мяълийин сес,
КапIруси кIвак хуш гьевес,
За дапIна завуз пайдгъар,
Мюгьтал шлуси Хючнаар.
Наан гъярачва «баяр»?
Йипай! Ачвуз фу хабар!?
Саб кьалми узуз гъапи:
«Дяркъну ккундачуз Глава,
Чаинна бикIуз аьрза.
Имдарчуз себеб жара.
Ккебехъну дусуз шулдар,
Дуснайиси инсанар.
Саб ляхин гъулаъ адар.
Ву кIури учу кьалмар,
Ичра дубхьну ккун мадар.
Ктибтурча, дарди гиран,
Гъи ватандин гьялнакан.
Адахънайи чиб рякъ’ ан,
Жигьиларин уьмрикан.
Кефнаъ гьаз а гьякимар?
Айиган гизаф гъулар,
Читинвалиъ, касибар.
Хъана ачуз суалар…
Балгну ккундучуз ватан,
Гьарсаб шейъ рангнахъди чан.
ГьадрапIди сабкьан кваълан,
Шлуси гьар тереф мюгькам…
ГьудучIв! - гъапи. Вахт адар,
Дусуз апIури гафар!
Фун, гьич абцIдар, гафари.
Я сикин шулдар юкIвар,
САБВАЛ адру халкьарин»...
Кьалмарин аьрза
© Copyright: Гюльмагомед Расулов, 2021
Свидетельство о публикации №121050804402
Свидетельство о публикации №121050804402
Рецензии