***
Маім землякам
Хмары плывуць на краіну,
Пойдзе чарнобыльскі дождж.
Вецер хістае каліну.
Жыта уродзіць, ці хвошч?
Пойдуць дажджы успамінаў…
Як ты там, мама, адна?
Вецер хістае каліну,
Станцыю відна з акна.
Вырвуся хоць на дзянёчак,
Бульбачку каб пасадзіць…
Цёпла, прыселі ў цянёчак,
Пыл над палеткам ляціць.
Пойдзе той дождж, ці не пойдзе?
З’ехаць бы… Толькі куды?
Зноў я на Мінск у дарозе.
Зноў зацвітаюць сады.
Чыстая наша мясціна.
Кажуць, і верыць жа хтось!
Вецер хістае каліну.
Пойдзе чарнобыльскі дождж.
26 красавіка 2021 г.
Хмары плывуць на краiну...
© Copyright: Юрий Боровицкий, 2021
Свидетельство о публикации №121042605578
Свидетельство о публикации №121042605578
Рецензии