***
Спыніла час халодная вясна,
Ад сну сама сябе не абудзіла.
Я на вясну з высокага акна
Сяджу-гляджу: яна свой час спыніла…
Дваццаты год і дваццаць першы год.
І што з таго? Вясна свой час спыніла.
Сяджу-гляджу з акна на агарод.
Мая вясна зусім мяне забыла.
А недзе ў Мінску дождж ужо ідзе.
У вёсцы суха. Вербы зелянеюць.
Вясна спыніла час. Яна паўзе
Ў маіх вачах, што з вербамі старэюць.
14. 04. 2019 г., 14. 04. 2021 г.
Спынiла час...
© Copyright: Юрий Боровицкий, 2021
Свидетельство о публикации №121041402817
Свидетельство о публикации №121041402817
Рецензии