Жуванбурукай ваз регъуьзва
Чарад патав кьил агъуззва
Лезги тир чIал гьич лугьудач
Мецел хайи гаф хъалгьудач
Бубад чилер маса ганвай,
Са кIус пулар гъиле гьатнавай,
Цавай физва лам хьиз хвешиз,
Авай югъни фагьум тийиз
Хайи чIалал луькIуьн ийидач
Бубад сурал садран хъфидач
Хуьруьн рехъни амач рикIал
Жедан икьван лезги усал?
Гъиле гьатнавай гужни, девлет
ЧIуг тийизвай кIусни зегьмет
Халкьни жуван япай кьадач
Дидед нек ваз гьалал жедач
"Зун лезги я!" на лугьузва
Жува жув чIуруз тухузва
Итимвални гумач са кIус
РикI элкъведа акур чIавуз
ЧIурувилик кьил кутунвай
Хайи чIал рикIяй алуднавай
Чинал гаф лугьун тавуна
Яргъи ийида мез гуьгъуьна
Квадарнава жув хъваз эрекьар
Вилерини ягъаз цIерекьар
Къилих такIан я парадаз
Хвеши яни вун жез кьарада?
Вун вуж ятIа рикIяй алудмир
Хайи чилер маса гумир
Зи лезги вах, лезги стха
Хуьн лезгивал жуван хура!
Вуж я вун?
© Copyright: Джейхун Амирханов, 2021
Свидетельство о публикации №121040208379
Свидетельство о публикации №121040208379
Рецензии