Гзаф чlехи тушни сергьят Ватандин,
Гъвечlизамаз къужахда кьур макандин.
Бахтлувилиз са вахт ава инсандин,
Ажуз хьана виле тахьуй душмандин.
Гьар са касдиз хайи Ватан дамах я,
Зи лезги чил булахарин-булах я.
Чи далудихъ къагьриманар даях я,
Хуьзвай адет,пак руьгьерин къармах я.
Чун бубайрин тарих хуьниз гьазур я,
Сулейманни,Эмин халкьдин абур я.
Шарвилидин гъиле хьайди гапур я,
Халкь тахьайтlа,вири крар какур я.
Булахравай къайи ятар дадмишиз,
Цуьк акъудай гатфарин вахт алхишиз.
Гьайиф жедан чанни жуван къурмишиз,
Девирривай,инсандин бахт вердишиз!
Ватан
© Copyright: Марьям Алискерова, 2021
Свидетельство о публикации №121032809680
Свидетельство о публикации №121032809680
Рецензии