***
Там далёка над пасёлкам
У тумане шызым,
Дзе вясной гарыць вясёлка
Як заўжды – сюрпрызам,
Там сінее неба, млее
І паўзе на хаты,
Там ужо сягоння днее
Сакавік крылаты.
Хутка прыйдзе, засваволіць,
Пацячэ бярозай,
Зажаўцее ў голым полі,
Дзе прачнуцца лозы.
Дзе заўжды гарыць вясёлка
Тканая, як рызы,
Там ідзе вясна пасёлкам
У тумане шызым.
21. 03. 2021 г.
Там далёка над пасёлкам...
© Copyright: Юрий Боровицкий, 2021
Свидетельство о публикации №121032106150
Свидетельство о публикации №121032106150
Рецензии