Хванаха1
Гьар инсандиз уьмуьр гуда са cефер:
Касвилелди твах ам кьиле,хванаха!
Атай мугьман хъфидайд я са гъилер,
Кьиляй кьилиз халкь паталди к1валаха!
Ви бегьердин т1вар "Алам" я,чида чаз,
Мефт1еда ви халкьдин гъам я,чида чаз,
Чи азадвал ваз Салам я,чида чаз,
Кьил виневаз,гьахъдиз рахаз - алахъа!
Шумуд касдин ц1арар-хат1ар чинална,
Шумун садан агъуз гъилер винелдна,
"Марвар" лугьур к1ват1алда чун санална,
Гудай гъил гьич ат1удай туш,-агъугъа!
Ваз барка хьуй зур асирдин сувар къе,
Мадни т1арам ахъа хьуй ви лувар къе,
Муьшкуьрд винел ап алахьрай цавар къе,
К1ват1 я дустар куь варарал,дамаха!
======================
1- халкьдин хва
Хванаха
© Copyright: Вагиф Муьшкуьрви, 2021
Свидетельство о публикации №121032006643
Свидетельство о публикации №121032006643
Рецензии