***
А шчасце толькі ў тым, каб зараз крочыць
Па веснавой дарозе недзе там,
Дзе за табой даўно ніхто не сочыць,
Дзе мог бы волю даць сваім слязам.
А шчасце толькі там, дзе грузнуць ногі
Ў пясок з маленства зведаных дарог.
А шчасце там, дзе бачны клён з дарогі
І роднай хаты выцерты парог.
А шчасце там… А тут дажджы сцяною.
Гляджу на іх, сумую і маўчу.
Вясна дзяцінства. Сённяшняй вясною
Ў яе душою з выраю лячу…
17 сакавіка 2021 г.
А шчасце толькi у тым...
© Copyright: Юрий Боровицкий, 2021
Свидетельство о публикации №121031706803
Свидетельство о публикации №121031706803
Рецензии