Урлукъ чачып челекге
Гече-гюндюз сугъардым.
-Яшна арив гюл болуп,
Урлугъума бувардым.
Узакъ къалмай урлугъум,
Гёзел гюлге айланды.
Олай исбайын тапмас,
Сав дюньядан айланып.
-Гёзел гюлню беремен,
Анам,сагъа байрамгъа.
Таза юрекли гюлге,
Бары къалсын гьайрангъа!
-Гёзел гюлдей байрамынг,
Къутлайман сени,анам!
Сагъа савлукъ тилейген,
Сени кёп сюйген баланг!
Сени къутлайман, анам!
© Copyright: Насият Даибова, 2021
Свидетельство о публикации №121030805122
Свидетельство о публикации №121030805122
Рецензии