К1антана хьехам

  Хабар т1ехь хуоттош хила терза:               
  Ца дуьйцуш, алсам ладог1а.               
  Хила г1ерта массаьрца мерза,               
  Мел хала хиларх - сатуоха.               

  Харжам беш, вуоха ма вуоха,               
  Хастоьмаш асарах къастош.               
  Оьшучохь, майра мохь туоха,               
  Хьайн мехкан къонахий хастош.               
   
  Мисканах къинхетам биэлахь,               
  Хьайн дегайовхо ца кхоош.               
  Г1ийлачунна куралла ма йелахь,               
  Хьалхахула цунна тур такхош.               
 
  Хьоладай юкъара къестош,               
  Баьрчиешкахь, г1айбеш т1е хийшуош,               
  Юьхь дуьхьал, къежна, уьш хьестош,               
  Ма хилалахь к1иллоллех сийсуош.               
 
  Байракх санна, айина леккха,               
  Ненан сий лардеш хьо хилалахь.               
  Гуонаха хьийзачех текха,               
  Дахарехь, цкъа а ма хилалахь!