Кьакьан сувар гвай зи ватан,
Тахьуй садрани ви тIвар залан
РикIе авай чIехи парар,
Гьикьван эхда къуьнел жуван?
ЧIал вине хуьх, ая дамах
Элкъуьра чин къакъан сувахъ
Иервилер аку чилин
Ксумир вун, кIвачал къарагъ
Мугьмандив гва хайи чилер
Агал жезва къе чи вилер
Сивер рахаз ава пара
Ийидай кар авач гъилер
ТIвар хуьх жуван, сачилинви
Къалур жуван лезги иви
Кьил хуьх вине, кIевиз къваза
Вал дамахрай лекьерен чили
Садвал хьурай чи арада
РикI ягъурай чи хуруда
Чи мез хайи чIалал рахуй
Чи викIегьвал вирдаз акуй
Зи чIал рикI я, ягъазвай
Уьмуьр вилик кутазвай
Ам зи рагъ я акъатзавай
Зи руьгь виниз хкажзвай
Я лезгияр, ахъай вилер
Жувал ша куьн, хкаж гъилер
Чун пайзавай пехъерин хълез
Ягъ далдамар, ягъ са кьуьлер!
Хайи Чил
© Copyright: Джейхун Амирханов, 2021
Свидетельство о публикации №121030403464
Свидетельство о публикации №121030403464
Рецензии