Зи Халкь

ТIвар виневай лезги рухва
Амазмани ви рикI хура?
Жувабурук кузман ви рикI?
Чун авай на къариз килиг,
Вуч фикирда чакай чилик,
Галай чIехи диде-буба?
Чаз хвенвай чил - гила сура
Чун акуна вуш лугьуда,
Дамахдани акваз жи югъ?
ЧIал квадриз какуриз юкь,
Чил маса гуз жезва усал
Хвешивилин ктIизва сал,
Цуьк ахъайзавай гъизвай бегьер
Хазва халкьдин тарчин хлер.
ЧIехи парар алазва чал
РикIай алудзава дидедин чIал
Какахь жезва лезги жегьил
Чин тийизмай вичин сихил.
Дегь чIавара викIегьтир чун
Гила чизмай эрекьар хъун,
Гьинва ви ягь гьинва намус
Лезгивилин гуман са кIус?
Сад жез мугъул, мицид урус
ЧкIул кIан я къе куь хуруз,
Тхуз жува-жувни чIуруз
Квахьна физва халкь чи фуруз.
ЧIав татанмаз ам рекьмир
Кьилел чIехи гъамар гъимир
Жеда тахьайтIа чун кIвачерик
Шел акатда жи вилерик
Чан аламаз чун рекьида
Чил гумачиз чун ктIида
ГьакI амукьда чIал авачиз
Жуван чилел чил гумачиз.
Вуч хьана чаз, я лезгияр,
Зи мукьабур зи кIилияр
Гьикьван жеда чун чкIана
Сад-сада галаз гьакI ккIана
КIус-кIусарна чIехи хзан
Гьикьван жеда кьилел чи гъам?
Хьурай мадни сад жи Ватан
Виняй атурай чIалан чи ван,
Гьар са кIвале хьуй мехъерар
Гьат тавурай чун кIевера
РикI викIегь яз гъилни тIарам
КIватIна акьул ийин са кам
Къвезвай чIавуз кIвач илисна
ЧIурувилиз вилеч мичIна
Са халкь хьиз чун вилик фида
ЧIехи сувар мелер хъийида!
Къени хъжеда гьар са кIвалах
Элкъуьрда чин кьакьан сувахъ!
Садвал хуьн чна сачилинви
Ргурай чахъ лезги иви
ЧкIиз хьайтIани вири дуьне
Лекьерин тIвар хкажин вине!

Джейгьун Хуьлуьхъви (Амирханов)
20.02.2021