Рекьизва чил, квахьзава хуьр,
Регъвни гумач гудай гъуьр,
ЧкIиз ава мискIин, кIвалер,
ЧIафари кьаз хуьруьн рекьер.
Иеси гумач сурарин,
Гьарайзава къванери,
Чеб сад туна, гадарнава,
РикIай алудна, квадарнава.
КтIанва сал - амач бегьер,
КIвалахдай гумач гъилер,
Чарадаз лукIвал акваз иер,
Гадардани хайи чилер?
ЧIур хьанва хуьруьн рекьер
Амач цуьквер - ала вергер
Шехьзава цавар, чилер
"ВутI хьана лекьер?" лугьуз,
Къгъидай рикI викIегь хуруз?
Къени жедач гатаз хуру,
Рахун хъсан - кIвалах чIуру,
Вилив хуьзва табун фуру,
ЧкIизва халкь - тапана мез,
Хвеши я чун кьуруз фу нез.
Накьвадик галай бубаяр,
ВикIегь, кIеви рухваяр,
Агаж жеда акваз чи югъ,
Гьикьван жеда какур чи юкь?
Джейгьун Хуьлуьхъви
Амачир Хуьр
© Copyright: Джейхун Амирханов, 2021
Свидетельство о публикации №121030403365
Свидетельство о публикации №121030403365
Рецензии