Къанат къатып битгенче
Жюжек къанатын къагъа.
Кёкде жымчыкъны гёрюп,
Энни сюе учмагъа.
- Анам, бир бек сюемен,
Гетмеге йыракълагъа.
Савлай дюньяны эллеп,
Гёрюнме тыш якълагъа.
Будай чёплейген тавукъ,
Сорав бере бурулуп.
- Не этесен сен, балам,
Йыракълагъа къутуруп?
Гёр, эркин тавукъ уянг,
Будай бар ашамагъа.
Не зат етишмей сагъа,
Элингде яшамагъа?
- Къанатларым тез къатса,
Токътамасман бирдокъда.
Анам гёрмеген кюйде,
Учарман мен, озокъда!
Жюжек хыялгъа минип,
Ойлаша да айгьай да.
Уьй къуш болуп тувгъан сонг,
Учма сюйсем не пайда!
Учма сюйсем не пайда
© Copyright: Насият Даибова, 2021
Свидетельство о публикации №121022805329
Свидетельство о публикации №121022805329
Рецензии