***
Цэлы дзень мяцеліць і мяцеліць,
Цэлы дзень мяцеліца мяце.
У вясну душа мая не верыць,
Калі снег чаромхаю цвіце.
Дакрануся сэрцам да завеі,
Ружавее ў сэрцы успамін:
Лета, вечар, белыя лілеі
І нібы заснежаны язмін.
Цэлы дзень мяцеліца гуляе
І чаромхай зімняю цвіце.
Памяць кветкі белыя зрывае
І вянкі мяцельныя пляце.
04. 02. 2021 г.
Цэлы дзень мяцелiць i мяцелiць...
© Copyright: Юрий Боровицкий, 2021
Свидетельство о публикации №121020405332
Свидетельство о публикации №121020405332
Рецензии