Ирча г1ан

  Г1енаха, тийналло 1адийна, лаьтта со,               
  Сайн къоме кхойкху ас, акхачу махьарца...               
  Жоп суна ца хеза, кхоьлина бетта са...               
 "Къам тилла"-кхаа бог1у, шийлачу хьацарца.               

  Мохь тухуш, кхойкху ас дайначу г1иллакхе,               
  Ширачу 1адаташ лардинчу, Нохчалле...               
  Къомана к1иллуошан г1иллакхаш тайна те?               
  - Хоьтту ас, велхарца, кхаьстина доьналлех.               
 
  Ас хоьтту, мохь тухуш: - х1ун хилла вайна,               
  Де-дайшна ца гинарг, х1ун гинера тахана?               
  Къонахий кхачийна? Вайн къаной байна?               
  Хоьтту ас: - къинхетам стенга д1абахана?               
 
  Вайн Деле, ду1анца, боху ас дешнаш:               
 -Дерзаде нохчийн къам шен махка сихонца.               
  Иманах дузаде дасделла дегнаш...               
  Ирс долуш дахийта, уьйр йолуш бакъонца!