Дахаран къизалло хьийзавеш, гуо бина,
Заманан сихаллехь къуона ц1ий кхехкаш,
Жималлийн боца некъ ваьлча суо бина,
Лиела со воккхаллехь, некъ некъах боьхкуш.
Дахарехь сан даго диканиг лийхира,
Вуо-дика, ойланийн кисанца, луьттуш.
Делера къомана иман ас дийхира,
Ойланца харцонна дуьхьала хуьттуш.
Дахарехь мел гинарг дуьстича гуонаха,
Ойланийн терзанца, коьртаниг къастош:
Диканиг карийра: - сайн къоман къонахий;
Вуониг дара: - боьхалла, к1иллуошан васташ!
Ойланийн терза
© Copyright: Саид Умахаджиев, 2021
Свидетельство о публикации №121012406363
Свидетельство о публикации №121012406363
Рецензии