***
Студзень студзіць лес, і хаты,
І над комінамі дым.
Студзень на мароз багаты,
Ён павінен быць такім.
Студзень студзіць сад вішнёвы,
Дровы студзіць за хлявом,
І пад лесам – зруб сасновы,
І мой новы цёплы дом.
Студзень студзіць далягляды,
Грады з зімнім часнаком,
Дзве бярозы, што за садам,
І магілкі – за ляском.
Студзень на мароз багаты
Дый павінен быць такім.
Край мой любы: хаты, хаты
Ды над комінамі дым…
16. 01. 2021 г., Радашковічы
Студзень студзiць лес, i хаты...
© Copyright: Юрий Боровицкий, 2021
Свидетельство о публикации №121011604444
Свидетельство о публикации №121011604444
Рецензии