Валаро нийссавеш мустафа ганижев

       ВАЛАРО НИЙССАВЕШ         Мустафа Ганижев

Са валар, к1аьдвалар дайде 1а,
Аз дехац совг1ат баьча белхах,
Са дег1а д1аьха дукъ дижа та,
Ма доаладе 1а лазар кхелах.

Села ваха к1аьдлуш, дар  ца зувш,
Массихана бийсан н1аб йовш хул,
Г1а деча а г1ойле хула йовш,
Цу г1ана догдоаг1аш дуне тул.

Къаьхь-къизал сона 1омаелг дац,
Жайна т1ар дикаш дар, аз дешаш,
Са валар нанилг, айе хало харц,
Са къинош хилал хьо д1акъовлаш,

Согар лазар айдеш, фо тоха,
Садакхийта 1а сердал гойташ,
Мел к1аьдваннав со дуне лаха,
Наха-м атта да, шоай д1а1амаш.

Со теш сай синах, къарцавала –
Бийсан маьже озалуш со вус,
Даьлага кхайка, вар д1атила,
Ц1ий къамаргар доаг1аш х1ара бус.

Са цхьан уйлах, дар д1адовргдацар,
Мела зехьа яьлар уж юстар,
Со мела к1аьдванав ха дацар,
Ва Даьла, к1аьдде 1а са валар!

Хьайга вугаш – са тийша гарга,
Довзар, дезар халийта д1адовш,
Са да-нана соца хин къаьгга,
Т1аккха доакх са дакхилга хулаш.

Фото Моххамеда Али (Касиус Клей). Жизнь одна и смерть одна