Лоамеш, аьлеш, цIена шовдаш, сийна аре –
Да Даьхена хоза сурт.
Укх дунен чу кхыча мехкий йоаца хозле
Са дега чу, ца йовш, увтт.
Ара воал со, дуне довза, сина тоам бе.
Илли ала безам отт.
Мичча мехка се кхачарах, сакъердалий,
Аз Даьхенца уйла хотт.
Сов хьийдда йода оалхазарий кIориг мо,
Сиха ва со нана го.
Сай наьнах тара, кIаьда йолча Даьхено
Хьест со – тарвеш дезалхо.
Цу ялсмалерча Iинах тара дола фо
Са Даймехко сона лу.
Из, малха тара, наьна дега сердало
Сона духхьал укхаз гу.
ГIоза кхевяь, лоархIаш сийдаь, везаш везвяь,
Со нахаца барта воал.
Дуне тийхка, безам бийца, вошал дайза,
Аз сайга кхоаб мехка доал.
10.01.21.
Даьхена мах
© Copyright: Аслан Куазо Ингушетия, 2021
Свидетельство о публикации №121011106914
Свидетельство о публикации №121011106914
Рецензии