Везачуга

Аслан Куазо Ингушетия
(илли)

Сенна хьеж хьо сона бIара?
Сенна дувц Iа селла мерза?
Хьа хьежаро Iехаю со,
Хьа дувцаро тувлаю со,
Са хьовзалу михьардаьнна.
     Хьа хьежаро Iехаю со,
     Хьа дувцаро; тувлаю со,
     Са хьовзалу михьардаьнна.

Лотабаьб Iа дегчу ала,
Еж са синах йIайха чилла.
Хьа веларо йоагаю со,
Хьа боларо оагаю со –
Валара хьо са дагара.
     Хьа веларо йоагаю со,
     Хьа боларо оагаю со –
     Валара хьо са дагара.

Безам ба са хьоца ийна.
Уйлаш я са хьоца тийна.
Хьо хьагоро дийнаю со,
Хьо хьаваро елаю со –
Валара хьо сона гарга.
     Хьо хьагоро дийнаю со,
     Хьо хьаваро елаю со –
     Валара хьо сона гарга.

Хьежа, везар, сона бIара.
Дувца, везар, сога мерза.
Хьа хьежаро Iехаяц со,
Хьа дувцаро тувлаяц со –
Лов хьо хилар сай даимма.
     Хьа хьежаро Iехаяц со,
     Хьа дувцаро тувлаяц со –
     Лов хьо хилар сай даимма.


21.06.17.


© Copyright: Аслан Куазо Ингушетия, 2021
Свидетельство о публикации №121010909482
Список читателей / Версия для печати / Разместить анонс / Заявить о нарушении
Другие произведения автора Аслан Куазо Ингушетия
Рецензии
Написать рецензию
Другие произведения автора Аслан Куазо Ингушетия