Ма хоза я вайна аре –
Сийрда, къаьга я сигле…
Со йодандаь тахан маьре,
Я, мотт сона, из хозле.
Е сона иштта хеташ дол-те,
БIарга сино Iехаяь?
Ловзадяьнна дуне дол-те,
Боадо соха хьулаяь?
Сона-м ма гац тахан вIалла
Сигал морх а хьахьайза,
Сона-м ма-лов тахан селла
Йоаккхо е сай ираза.
Кхайкабе оаш сона аьнна
Ловца, чIоагIа ай а баь.
Хестаде оаш гIоза даьнна
Ер ди – безам Iалашбаь.
Ма хоза я тайна ере,
Иштта хоза я сигле…
Со йодандаь тахан маьре,
Йолий-те из хозале?
21.03.2015.
Маьре йодача йиIий илли
© Copyright: Аслан Куазо Ингушетия, 2021
Свидетельство о публикации №121010909422
Свидетельство о публикации №121010909422
Рецензии