(илли)
Ух со хийла Шолжа йисте,
Цу Шолжаца дагаяла.
Са дехкалий, уллув кхийсте,
Юхайода ийце бала.
Хул из Шолжа цкъаза бирса,
Ше сона раьза доацаш мо;
Чувхаду цо зиза къиза,
Iимадаш ю энжий, во.
Цкъаза хьовз из маькар даьле,
Хетийташ сона маьрша ше,
ТIаккха юхаерз со, яьгIе,
Сакъийле – сай баланца Iе.
Долий-те укх лаьтта цхьаккха
Са тедеш, сона сатем ле,
Сай безамах хьалхаяьккха,
Могаргдолаш тийна Iе?
Ма хала ба керахь ала,
Безамо лотабича ше;
Ма беза ба цунцар бала,
Ца хилча цунна эшар ле.
15.03.2015.
ЙиIий бала
© Copyright: Аслан Куазо Ингушетия, 2021
Свидетельство о публикации №121010909343
Свидетельство о публикации №121010909343
Рецензии