Мумада ва сога хьежаш.
ЧIоагIа цIимхара ва.
Наггахь мара гац из велаш,
Велар а лоаца да.
Сабаре ва из Мумада.
Дикка тайна ва.
Халла текх из кIувса тIа-да…
ДегI цун деза да.
Дуачоа-м, вай бакъдар оале,
ВIалла эсала вац –
Худар ханна гаьна доале,
Ца вийлхача-м Iац.
Деза цунна шийга хьажар,
Шийна Iунал дар;
Даимма цаI юхе хилар,
Шийца из ловзар.
Иштта кIаьнк ва тха Мумада.
ЗIамига вале а.
Хургва цунах ший хьалан да,
ХIанз из бер дале а.
28.03.2015.
Мумада
© Copyright: Аслан Куазо Ингушетия, 2021
Свидетельство о публикации №121010909159
Свидетельство о публикации №121010909159
Рецензии