Ма хоза да хьо, Берий Дуне:
ДаьгIе хоасточа зизайх тара,
Бухдувлача шовдайх тара,
Сигал ловзача седкъех тара.
Ма гIоза да хьо, Берий Дуне:
Наьна елача юхьах тара,
Зовне декача иллех тара,
Дог хьестача фаьльгех тара.
Ма сийрда да хьо, Берий Дуне:
Боагаш хьежача малхах тара,
Лепаш доагача лирах тара,
Къаьгга эттача денах тара.
Ма доаккха да хьо, Берий Дуне:
Айме къувлача сиглех тара,
Сигле къувлача лоамах тара,
Лоамо къувлача мехках тара…
Иштта хилда хьо даиман!..
20.09.2013.
Берий дуне
© Copyright: Аслан Куазо Ингушетия, 2021
Свидетельство о публикации №121010909067
Свидетельство о публикации №121010909067
Рецензии