http://stihi.ru/2010/08/06/5240
Перевод на марийский И. Попова
Ила поэзий курым-курымеш,
Изи ик татыш от шынгдаре тудым.
Кузе энгер лынг вюд дене темеш,
Ташла тудат, кучаш огеш лий утым.
Ыраш юалге шыжым мыланна
Кунамже путырак кужун да неле.
Йоча жапнан поэзийже гына
Полша ыле мыланна... Тудак веле...
Мура йолташ, тулото волгалтеш,
Эртат ийгот-влак писын, пуйто пыл-влак.
Трук шыже кас поэзий ылыжеш,
Шюм кылнам* тарвата гитарын кылла.
Шагат да кече-влак вашкат эре,
Кенгежымат - ласка тып-тымык гочын.
Поэзий - тиде весела энгер,
Шырген йога тек, куаналын, шошым.
Ош телын кечыйолжо йымалан
Пюртюс чияжым вашталта йомартлын.
Юшаныза: Рошто поэзийлан
Йырваш чыла ушештара йомакым.
Ила поэзий курым-курымеш,
Изи ик татыш от шынгдаре тудым.
Кузе энгер лынг вюд дене темеш,
Ташла тудат, кучаш огеш лий утым.
2020
* Кыл - тыште: струна.
Поэзий
© Copyright: Андрей Шурыгин, 2020
Свидетельство о публикации №120122906497
Свидетельство о публикации №120122906497
Рецензии
Конечно, далеко не все знают марийский язык, я тоже не говорю свободно на нём, но кое-что понимаю, здесь аплодисменты талантливому переводчику, конечно!
Андрей Шурыгин 07.02.2022 12:16 Заявить о нарушении
Андрей Шурыгин 07.02.2022 12:16 Заявить о нарушении