Низам Гьасановаз

Сейфудин Шахпазов
               
               
«…Хкаж хъия на парудал аватай са къван.»
                Эйваз Гуьлалийрин
 
ХьанатIани гъурбат несиб,
Хайи къулан  хвена  таъсиб,
Руьгьдиз кIусни  тахьай кесиб,
Ивид ифин – звал хвейи  хва.

Фикир ийиз булахрикай,
Суварикай яйлахрикай,
Дад атанач дамахрикай.
РикIе чилин  тIал хвейи  хва.

На несилриз расна музей,
Ваз ватандал ви  Колизей,
Гъанач йикъал на ам куьцIей,
Хуьре бубад кIвал хвейи хва.

На дагъвидиз хас тир жуьре,
ГъалатIриз рехъ ганач зерре,
Лифрен муг квай къавун чIере,
Ва гьаятдин цал хвейи хва.

Етим жеда дереярни,
ХарапI жеда мягьлеярни,
Гъил галачир къелеярни,
Хуьруьн абур, гьал хвейи хва.

Халичадин пипIеллай хак,
Шагьид хьана кIвалин цлак,
Вун рухвайриз бубад бармак,
Рушаз дидед шал хвейи хва.

Галукьайла умун сесер,
Гьар са бенде жеда серсер,
Ви балайрин сагърай мецер,
КIвале лезги чIал хвейи хва.


© Copyright: Сейфудин Шахпазов, 2020
Свидетельство о публикации №120122304486
Список читателей / Версия для печати / Разместить анонс / Заявить о нарушении
Другие произведения автора Сейфудин Шахпазов
Рецензии
Написать рецензию
Другие произведения автора Сейфудин Шахпазов