Инсанар,квез,са суал гун:
"Уьмуьрда чаз вуч хъсан я?"
Аял чlавуз санал къугъвай,
Гьелбетда,а вахт масан я!
Дидед вегьей мес тир къулай,
Чlехи хьайи са хизан я!
Ширин мез я диде рахай,
Гьелбетда,а вахт масан я!
Бубади чаз кутур багъдай,
Бегьер кlватlай вахт хъсан я!
Хпен ниси хкай дагъдай,
Гьелбетда,а вахт масан я!
Гъвечlи чlавуз катиз къугъвай,
Санал фейи вахт хъсан я!
Алерраллаз катай сувай,
Гьелбетда,а вахт масан я!
Акваз-такваз вахтар фенай,
Фейи уьмуьр бахтлуди я!
Чаз виридаз бахтар ганай,
Чи гьар са югъ гьахълуди я!
Са суал гун
© Copyright: Марьям Алискерова, 2020
Свидетельство о публикации №120121906797
Свидетельство о публикации №120121906797
Рецензии