Вичихъ акьул, фус тахьайда
Чарадан мал усал кьада.
Са кlус кьван намус тахьайдан
Кьилиз алчах хиял къведа.
Суст хьайила камаллу эл
Вил пичlибур къаних жеда.
Бушбугъазрин кьвечхел мецел
Сейлибурун синих жеда.
Эдебдин дамах такурдан
Асул-бине фитне жеда.
Акьулдин къаврах такурдаз
Авамдакай чешне жеда.
Гьисс тавурдаз вичин кьадар
Лекьер хьтин цава кlанда.
Зун–зун лугьуз, ийиз тикрар
Виридан вич кукlва кlанда.
вичихъ акьул, фус тахьайла
© Copyright: Магомед Мирзоев Мирзой, 2020
Свидетельство о публикации №120121708833
Свидетельство о публикации №120121708833
Рецензии