Не імкніся вярнуцца з вышыняў
Да штодзённай людской мітусні.
Ты не знойдзеш таго, што пакінуў,
Не спазнаеш былой цеплыні.
Памятай, што казалі ў народзе:
Як зыходзіш, зыходзь назаўжды.
Вольны будзь у набытай свабодзе,
З ветрам шлях пракладзі праз гады.
Не пытайся ў ветра пра волю:
Ён не ведаў жыццевых пакут.
У забвенні не будзе спакою,
Калі сэрца пакінута тут.
Abiens abi! Зыходзячы, зыходзь!
© Copyright: Ивета Витко, 2020
Свидетельство о публикации №120121702507
Свидетельство о публикации №120121702507
Рецензии