Шалбуздагъдин кукlуш кьуна кьенерив
Вацра чилер кlани патахъ гьалзава.
Зи дустуни далдам катаз мехъерик
Хьиз, дяведиз хъвериз–хъвериз ялзава.
Ччара тахьай, далу тахьай са лекь хьиз,
Лезги са руш килигзава цавариз.
Хиялар, вич акунай заз мелек хьиз,
Халкь паталди рикl акъудиз, ялвариз.
Гьайиф чlугваз къвазна зун са патал хьиз,
Я мир–межер, вуч лугьудатl чир хьанач,
Телеф хьайи балайрикай хиял физ;
Мад и дуьнья ажугъдин есир хьана.
Ширин тахьай ватандин дерт кьилеваз
Лекьерикай лукlвар жезва свелериз.
Жуван чилел чарадан тафт гъилеваз
Чкlурзава, буш умуддин гелериз.
И игьтият таб хьанайтlа шад жедай;
Жуван тlаратl, жуван кьилел саваб я.
Идакайни чи халкьдиз мурад жедай.
Заз авайди гьамиша и тlалаб я.
Гьайиф чlугваз
© Copyright: Магомед Мирзоев Мирзой, 2020
Свидетельство о публикации №120111709411
Свидетельство о публикации №120111709411
Рецензии