Самур вацlуз зул атайди хабар хьиз,
Гьейран хьана шуршурзава лепейри.
Шумал буйдал шал вегьена, мармар хьиз,
Къавах тарар ухшар ава бикейриз.
Таза гьава хъуналди мад тух жедач,
Вилеризни кlан я зулун суьретар.
Устlар квачиз рангарикай рух жедач;
Хуш я рикlиз тlебиатдин зегьметар.
Жуьрба–жуьре пешеркайни мес хьана,
Ипек хьтин акайнава чуьллера.
Шикилрикай зулун мад гьевес хьана,
Гагь-гагь цаву авуртlани ишелар.
Зул
© Copyright: Магомед Мирзоев Мирзой, 2020
Свидетельство о публикации №120110707084
Свидетельство о публикации №120110707084
Рецензии