Бизин азиз,сюйген эркъардашыбыз
Гьар гюн сагъа гёзьяш тёгюп яшайбыз.
Сен гетген сонг,гетди азиз анабыз,
Биз бугюн бир сёнген гюлге ошайбыз.
Он эки йыл арадан тез оьтсе де,
Гече кёкде юлдузунгну излейбиз.
Юреклени къайгъыбыз гемирсе де,
Юлдуз чыкъмай,сен чыгъар деп гёзлейбиз.
Аз яшадынг,амма гьюрмет къазандынг,
Яш наслубуз бозлай къалды артынгдан.
Сен оьлгенде сав юртубуз тербенди,
Сен сыйлагъан жагьил булан къартынг да.
Къумукъ халкъны къоччакъ уланы эдинг,
Яхшы ишлер оьрге салды атынгны.
Гьасиретли гёзлер булан къарайгъан,
Эсибизде сакълажакъбыз хатынгны.
Заман гетген сайын яра бек сызлай.
Яв-юрекни минг гесеклердей этди.
Къызашларынг къоруйгъан бир тав эдинг.
Тавсуз къалгъан гюнлер бизге тез етди.
Биргине-бир уланынг да уьйленди,
Атынг къойдукъ ондан тувгъан улангъа.
Сен оьлсенг де атынг бирде оьлмежек,
Атынг къойгъан торун бизин булангъа.
Эркъардашыбыз
© Copyright: Насият Даибова, 2020
Свидетельство о публикации №120110600895
Свидетельство о публикации №120110600895
Рецензии