Вуч лугьурай, Дуьнья я ам,
Эхир пуч хьуй ам ч1урайди.
Ви хиревай т1урфан я ам,
Акъуд тежер, рик1евайди.
Жегьил, кьуьзуь, аял талхьуз,
Гуьлед кайи Дуьнья я ам,
Кесиб инсан авур ялгъуз,
Масан хьайи Дуьнья я ам.
Пайдахдин ранг иви хьайи,
Ч1улав хьайи Дуьнья я ам.
Мурк1ад кьуна рик1ер къайи,
Гьар дидедин душман я ам.
Вуч лугьурай, Дуьнья я ам,
Чанда уфул гьадайди зи.
К1араб регъвез вегьез са кам,
Хажалатди авур кьуьзуь.
23.октябрь
Вуч лагьурай Дуьнья я ам
© Copyright: Назиль Махмуд 76, 2020
Свидетельство о публикации №120102706536
Свидетельство о публикации №120102706536
Рецензии