Маме...

Дуе х1ухьел ц1азе зах1мат батани,
Зигарди бахчуге чучи дие мун,
Ч1унтун унеб рак1алъ к1ут1и бахч1уге,
Бате дунгун раг1и дуда бицине.

Бидул цояв инсул дун вугониги,
Ватич1иш вокьулев ракьалда бищун,
Кьал гьабеян гуро гурх1иян гуро,
Рокьи бащад гьабун гьими дуе мун.

Мун гьеч1еб ракьалда кьог1лъи ц1иккунин,
Ц1уни дур раг1и яс г1агарав дие,
Дир гуреб квер дуе дару гьеч1еблъул,
Гьуинаб дир г1аг1ухъ г1некке лъалхъун.

Лъаларел рахъазда р1аг1ухъги г1инч1ун,
Г1урхъуда чан балел чоркал ругин те,
Дир калам кодоб ккун квер бич1уларел,
Киналго раг1аби рай дуца цере.

Ццинги дие гьукъун ц1алги гурун лъун,
Лъуг1ун раг1и теян таваккал гьабе,
Бищун рак1 к1ет1езе, зобги гвангъизе,
Гъугъан балеб къоялъ дуе гьабилин.

Гьуинаб раг1уца маг1у гиризе,
Горбода къвал жемун дица гьабилин,
Гьуинаб раг1уца цо рак1 бихизе,
Харбал рицун дие вокьизе гьаве.

Гьаваги йигин мун мугъухъан ч1езе,
Ч1орлъун гвангъи дие дир баг1ар месед,
Дир Эбел, дир дару, дие хут1аги,
Т1олгояб дуниял дие хисулей.