Зи хайи ч1ал!
Вун галачиз рахаз жедач,
Авам жеда гьарма сад чун...
Вун галачиз къекъвез жедач,
Ви деринра гьатнава чун...
Зи хайи ч1ал!
Зи хайи дидедин ругь хьиз,
Вун тахьайт1а, етим я чун...
Вун дагъдин къайи булах хьиз,
Кьил виневаз хуьда за Вун...
Зи хайи ч1ал!
Вун рик1евай хажалат я,
Гьар лезгидин жигердавай.
Муьгьуьббатдин экуь варз я,
Гьар ивидин дамардавай.
Зи хайи ч1ал!
Вун вирт хьиз лап ширин я заз,
Мулдин цуьк хьиз дагъларавай...
Са аманат язва вун чаз,
Лезгияри дамахзавай.
Зи хайи ч1ал
© Copyright: Назиль Махмуд 76, 2020
Свидетельство о публикации №120092807108
Свидетельство о публикации №120092807108
Рецензии
Зун лезги я,ч/ал зи кьилин дамах я.
Дегишдач за везин,гьич са гьарф,лишан.
Зи лезги ч/ал Шалбуз дагъдин булах я,
Адан гьар са ст/ал жеда заз дарман!
Аллагьди хуьрай чи ч/ал хуьник пай кутазвай
чи стхаяр, вахар!Назиля, Аллагьди къуватар гуй ваз!Ви къелем мадни хци хьурай!
Фатимат Османова 11.08.2021 11:18 • Заявить о нарушении
Дегишдач за везин,гьич са гьарф,лишан.
Зи лезги ч/ал Шалбуз дагъдин булах я,
Адан гьар са ст/ал жеда заз дарман!
Аллагьди хуьрай чи ч/ал хуьник пай кутазвай
чи стхаяр, вахар!Назиля, Аллагьди къуватар гуй ваз!Ви къелем мадни хци хьурай!
Фатимат Османова 11.08.2021 11:18 • Заявить о нарушении