Гьясну ипна саб гьарай,
Текрар ап1ури: «Ар-рай!»
Иццру дубхьнайиз, кIур, фун,
Я уьл ккундар, я гъафун.
Аьхю угьар апIури,
Фун бисну а хилари.
Бабу ап1ура аьрзар:
«Дубхьну ккундуки кьадар,
Фукьан гъит1ва гъяфатар?
Бализ фикирра кадар.
Гъафишра хулаз хялар,
Дивуз шлу меълиб имдар».
Хизан дубхьна авара,
Гьясназ абгура чара.
Дурариз хабар адар,
Вуйиб Гьясан аьмалдар.
Хъуркьну адаш ляхниан,
К1уру: «Аьбкъинай дарман!
Духтриз ап1инай хабар,
Хьади гъач, йипай, рубар!»
Гафар гъеерхьган бали
Багахь духьну адашдин
Гъапи: «Ккундарзуз рубар,
Фунин сарун фук1а дар!
Ит1уз ккундузуз жихрар!»
Гъабхьнийи вардиз ашкар,
Гьясну дап1найиб куч1лар.
Аьлхъюру бал’ин вари,
Адашди мугъаз гъапи:
«Сабан ит1урхьа хинк1ар,
Хъасин хай шулу жихрар!»
Аьмалдар
© Copyright: Гюльмагомед Расулов, 2020
Свидетельство о публикации №120090607308
Свидетельство о публикации №120090607308
Рецензии