Той абзар
Той бар гюн ювугъумну халкъдан толгъан абзары.
Бийий гёзел тиштайпа, нюрдей яна яягъы.
Огь юрек жымырлайгъан юрютдюре аягъым.
Къанатлардай къолларым - гёзлер тикленген огъар,
Теп булан бирче аргъан бизге лезгинка согъа.
Къайда энни жагьиллик гёрсетмеге гьюнерим,
Йылларым унутдуруп нартдай яшнай юрегим.
Дёгереп алгъан энни, салып ортагъа бизин,
О гёзел, айбат юзлю, иржая гёзюн къысып.
Къужурлу кюйде бийип къыз булан айланаман,
Жаныма ёлдаш этме гёзелни сайлагъанман.
Свидетельство о публикации №120082101044