***

АМУКЬДАЧ
КЬВЕ  ГЪАБ

(туьнбуьгь)

Зун и пата,
маса ч1алал,
вун а пата
маса ч1алал
рахазва чун,
чаз чиз авай,
а кьве ч1алал.
Чаз, кьведазни,
тир хьиз гьалал.
Эляч1айла,
чун пайнавай,
махлкукъат-ел
бизарзавай,
«Прозрачный»
лак1абдик квай
часпардилай!
А ч1аларин,
бинедин пун,
(Герек вядед,
рахазвай чун,)
вац1ал кьван туш…
Лезги чилиз
ч1алар я хуш!..
Гузват1ани
чи ч1алаз
т1уш…
А  ч1алар чаз
хъсан чида,-
Виридахъ галаз
 рахаз чида...
Зун и пата
халис жуванд,
Вун а пата
халис жуванд,
Амма чи ч1ал,
вучиз чна
авунва
кьуру, яванд?!
Мегер  яни
чи ч1ал усал?!
Я тушт1а,
туьтуьна
ак1анвай
к1араб я жал?!
Вучиз ава,
чун чахъ галаз,
маса ч1алал
суалар гуз,
Маса ч1алал
жавабар хгуз?
Кьве патани
чаз чун акваз,
Кьве падни чи
пун-бине яз,
Кьве патани
чи ч1ал аваз,
Вучиз ава
чун чахъ галаз
хайи ч1алал
жузан тийиз,
хайи ч1алал
рахан тийиз?!
Вучиз тунва
чна чи ч1ал
шем хьиз
ц1раз?!.
Къураматдин,
цик къарих тир,
нац1 хьиз
кьураз?!


Ик1 хьайит1а:
ч1алаз чна,
кваз такьуна,
пурча туна,
тагайт1а яб,
къведай несилдин
векилриз
амукьдач чун
кьадардизни
меквен кьве
гъаб!..
Ша, чун тежен               
чара ч1алан
лук1!
Хайи ч1алал,
алаз аку
к1ук1!
               

2009 й.