Нохчийн мотт бийцара, ша нохчо воцуш,
Байт алар санна ду, ца дойзуш маь1на.
К1онахий хилла бац, нохчалла доцуш
Шайн дегнаш дуьззина, шовданалла хьаъна.
Ненан мотт ницкъ бу хьан воьжна к1ант г1атто,
Къомана дахарехь дайна и хийла...
Ницкъ бу хьан мостаг1на дуьхал б1о латто.
Хьо бицбахь, хир ду къам, бер санна, г1ийла.
Бераллехь наноша вайна чу биллина
Ненан мотт: доьххьара дош - ийманан з1ийдиг.
Бекалахь нохчийн мотт, дагчу ц1е йиллина,
Вайн къоман г1иллакхийн ца хадош т1ийриг!
Нохчийн мотт
© Copyright: Саид Умахаджиев, 2020
Свидетельство о публикации №120080907075
Свидетельство о публикации №120080907075
Рецензии