Клапатлівая ўнучка
Багірка, Барсік, ешце каўбасу,
У вёсцы доўга буду гасцяваць.
І вам заўсёды есці прынясу,
І не дазволю коткам сумаваць.
Наллю смятанкі і катлетак дам-
Бабуля мне так смачна іх гатуе.
І падзялю амлет свай папалам.
Я ціхенька, ніхто і не пачуе.
Бабуля кажа: “Гультаі каты,
То мяўкаюць ля кухні, то ляжаць.
Вось зноў свае раззявілі раты.
А мышак хто за іх будзе ганяць?”
А хітрых мышак паспрабуй злаві!
Здаецца мне, яны вам і не трэба,
Бо ў сажалцы ёсць рыбка-акуні.
Яшчэ вам дам бабулінага хлеба.
Паеду хутка з вёскі я дамоў.
Хіба забраць у горад іх таксама,
Бо хто накорміць без мяне катоў?
А дома мне гатуе смачна мама.
2019 г.
Заботливая внучка
© Copyright: Нина Ковальчук, 2020
Свидетельство о публикации №120072804400
Свидетельство о публикации №120072804400
Рецензии