“Дыялог” немаўлятак
(жартоўнае)
Унук і ўнучка—немаўляткі.
Паўгода дзесьці на дваіх.
Ляжаць маленькія рабяткі
І “чую” дыялог я іх.
-Давай знаёміцца: я--Даша,
Твая стрыечная сястра.
-Ды сціхні ты, я Паўлік…Паша,
І мне ўжо спаць даўно пара.
-Ты, бачу, соня і малеча,
Табе абы яшчэ паспаць.
За вокнамі зусім не вечар,
І я хачу паразмаўляць.
У вёску ехала здалёку,
Каб пазнаёміцца з раднёй.
І сну няма ні ў водным воку,
Бач, у прысутнасці тваёй.
Быў дыялог напэўна гэткі,
Я зразумела, як змагла.
Бо “мову” немаўляткі-кветкі
На ўсё жыццё не зберагла.
2019 г.
Диалог малышей
© Copyright: Нина Ковальчук, 2020
Свидетельство о публикации №120072804333
Свидетельство о публикации №120072804333
Рецензии