Къацу хьанва кьуд пад хуьруьн-
Мад са гатфар ша кьабулин.
Лацу, хъипи гъетер чилин
Акваз жуван рикl ацlурин.
Ичин тарцин чlаганва хел,
Адаз цавай рагъ хъуьрезва.
Махпурдин гам вегьез чилел,
Багъда мад гатфар къекъвезва.
Экуьн кьиляй билбилди заз
Мад илгьамдин лувар гана.
Дерин гьиссер хура къугъваз
Рикlиз шад са хабар гъана.
Цlар илитlиз ва мад хквез
Уьзягь я вун, азиз гатфар....
Амма, гьайиф, элкъвез тежез,
Вацl хьиз, катзава зи йисар...
Мад са гатфар кьабулин...
© Copyright: Гасанова Гюзеля, 2020
Свидетельство о публикации №120070405545
Свидетельство о публикации №120070405545
Рецензии