Квез и чlаван хийирар!
Лезги Булахдин дустар!
Мубаракрай виридаз
Чи Гъалибвилин сувар!
Ислягьвал хьуй дуьньяда,
Гъил вугурай мидяйда,
Садвал гъурай арадиз
Даим дуствал хуьдайда.
Архаинвал хьуй рикlе,
Цуькверин кlунчlар гъиле,
Чун бахтлу яз акурла
Чи душманар куй хъиле)
Чими хьурай кlвалин къул,
Берекат гваз атуй зул,
Куь суфрадин кьилихъни
Къени мугьман хьурай бул;
Саламат хьуй гьар инсан
Уьмуьрдин рехъ яз хъсан,
Цуьк акъудай яйлахдиз
Ухшарди хьуй Лезгистан!
Гъалибвилин сувар мубаракрай!
© Copyright: Гасанова Гюзеля, 2020
Свидетельство о публикации №120062701796
Свидетельство о публикации №120062701796
Рецензии