Даьлага дарба дехар мустафа ганижев

                ДАЬЛАГА ДАРБА ДЕХАР  Мустафа Ганижев
Укха байташ шуна вахаре дикан хувцамаш доаладергда, дег1ае, синае могашле гойтара. Сина – дарба доаг1аш. Дукха бешабеза укхан муг1араш, дега тоам хулаш! Ер байташ ешаш дарба доаг1аш. Ер ешача хана, сийрада кхетадеш шийна фу дувца ховш укхан муг1араш. Юкъ-юкъе соцалуш еша ер байташ, Далла хоасталуш деха гештдар, шоашта эшар е лазара дарба. Шоашта ма могга уйлаеш, хетар сомадоаккхаш, оашош аьнначо тешаш, дарба е г1ойле яра. Могашле, ираз хилда шуна!
                +  +  +
Х1анза, деррига аз сайг1а дувцар,
Кхоачашхургда массанахьа, сиха! 
Дерриг дег1а д1акъасташ, дукхдезар,
Цуна могашле могаеш деха.
Х1ара дешо е уйла кхоачамбеш,
Даьлага д1акхача, лакха айлуш!

Хьалха къантеравоалаш вай наха,
Ма могга из сиха аз кхоачашде.
Даьна-нанна къантера со вола,
Дезац царн эг1азал б1арг  хьожабе.
Безамца баркал оалаш даггара,
Халхетар агачар даим  довра!
Къантеравоал сай гонахьа наха,   
Къант1еравоал сай къама са даха.
Царна къахетар, безам бала лов,
Даима хилда цар Ираз, Аьттув!   

Аз халхетар даьчар къант1ера довла,
Йицлуш шоай эг1азло массихана.
Дехарду Шуга, гештде сона оала,
Х1аравар Даьла наькъа т1а хинна.

Х1анза хьадела аз сай дог шоана
Безамо хьалдузалд из ма дара,
Безамца Дунен т1а долчо тайна,
Безам сай Синца даим дахара!
Ц1ана уйла г1ойла хий додаш тар,
Са дега тем боаг1алба, ший хьакар,
Болхбеш дукха, тешаме бизза бар,
Цхьаккха г1алат доацаш ше ма дар!

Иштта сай безам  кулгашца ийбу,
Х1ара дег1а маьжена луш к1езиг-дукх.
Т1аккха  луш сайгар, дукха товра ду,
Дукха бахалба чам, са мукъадакк!
Дукха, аз буташ из чам бахийта,
Еррига моттигаш цо хьалюзийла!
Деррига цун пхаьнаш, мазаш б1арчча,
Безам хилба  т1ехьбодаш царн сацца!.

Сона уллув Дала пхьег1а ма оттайир –
Могашле, къонал йолаш кха шийца
Увзалац, хьаэц сайна Дала даннар
Далла хоастабеш цун кхела йийца!
Нокхараш дена моз пхьег1ан гулду,
Моз кхоллаш, хий т1амолаш со ваха
Цун берката са кертачу гуллу,
Уйлаеш са керта титен маьха.
Ираза малалда саго шийдар,
Х1арачо, ший могашлен кхоачам бер!

Хьал хьалдузи дег1 дизалца хина,
Йодаш могашле дег1ага б1арчча,
Когашкар меражга каьча сонна,
Ираз доаг1аш дизза мархьа кхаьча.
Иштта хула, Даьла беркат, дийхар,
Сона, шоана дика деце тайнар?

Д1ахо кулгашта хьакхоллалуш цов,
Дег1а низ ц1ераца бизза кхоачам.
Цхьаккха дац хетта халхетар е дов,
Цо сердал тел бийсан-дийнахь ло1ам.
Из ч1оаг1а б1айха ба, ц1и хьателаш,
Наьха дегаш цо безамах дузаш.
Кулгашца из беркат аз хьалайду,
Сай хийтоатолгича из 1очухец,
Из гурмат, бургац мо хиво д1аэц.
Из сона эшашъяр, дег1а моршала,
Дег1ацар лазар цо лохаш хила.
Сайна чудилла, дег1ацар эккхдеш,
Доаг1а сона, наха дарба къонвеш.
Лакхе, лохе, уллув вахар доада,
Из къаза мо гонахь хьувзаш товш да.
Дерриг сердалца къег, из низаца,
Даьлага дийха Дика, маьлаца!

Из лазар е к1омарг  т1адаьннача,
Даьлах тешар г1улакха хьожача.
Цо шийна тай т1алосташ г1ойлена,
Тхан гурмат мо дувхар хьувзаш сина.
Йистедоал цу к1омаргаца г1улакх,
Урсаца хоадаеш яьнна цолак.
Гурмат юха а ложаш лел дег1а,
Деррига лазар дуллаш цхьа пхьег1а.
Гу сона села са гурмат к1аьдлуш,
Из д1айохийт аз сала1а – оалаш!,
Чахкал йолаш, уйланца нийссалуш,
Д1алоаладеш цо лазараш наьха,
Иштта ше а хул из кхайлайолаш,
Из дерриг дар аз Даьлага дийха!!

Деррига аз мел дийцар таралуш,
Могашле, безам, ираза дайна!
Дала даннар техьа белгалдоалаш,
Далла хоастам ба аз (наха) оалаш.

                13. 05. 2020 ш.